Two letters by Emperor Charles V's officers of arms concerning the attestation of Chivalry (1546 & 1555).

Source

Ménestrier, Claude-François, De la chevalerie anicienne et moderne, Paris: Robert J. B. de la Caille, 1683, pp.88-95. (Google Books.) See also Chapitre V. Des Chevaliers Servans, des Herauts et Poursuivans d'armes, pp.192ff., especially pp.206ff. Here is another copy (Google Books). There is a modern edition: Leber, Jean-Michel-Constant, Collection des meilleurs dissertations, notices et traités particuliers ..., 5e partie, Paris: G.-A. Dentu, 1826. (Google Books.) Here is another, 1838 edition (Internet Archive).
I corrected typographical errors due to the OCR system misrecognition, also I collated with these several editions mentioned above. There may still exist errors. Please consult printed version for academic purpose.

The text

Quand c'estoit aprés des batailles, & des actions genereuses, ou en des jours de Festes solennelles, les Herauts d'armes qui avoient esté presens à la ceremonie en donnoient des attestations. En voicy deux exemples, l'un de 1546. & l'autre de 1547. l'un pour Vigoreux de Corteville armé Chevalier à Utrecht en la ceremonie d'une Chapelle de l'ordre de la Toison d'or, tenuë par l'Empereur Charles Quint, & l'autre aprés la bataille gagnée au de-là de l'Elbe, où Frideric de Saxe, qui commandoit l'armée, fut fait prisonnier.
Nous les soussignez Officiers d'armes de l'Empereur nostre Sire Charles V. de ce nom, par la divine Clemence toûjours auguste Roy de Germanie, des Espagnes, des deux Siciles, de Ierusalem, &c. certifions & faisons foy à tous presens & à venir, qu'estant sa Majesté Imperiale en la Cité d'Vtrecht pour la celebratton [sic] du Chapitre de l'ordre tres-noble du Toison d'or, le jourd'huy datte de cettes aprés le divin service oüi par sa Majesté en l'Eglise Cathedrale de S. Martin audit Vtrecht, avec les Confreres & Chevaliers dudit ordre illec assistans, & aussi plusieurs autres Princes & Seigneurs presens, luy fut en icelle Eglise presenté noble Seigneur Vigoreux de Corteville, lequel pour ses armes porte l'écu d'argent à trois cornets de sable liez de même, & un croißant d'azur au coing dextre du chief de l'écusson, & pour timbre le heaume treillé avec les achemens d'argent & de sable, & sur le bourrelet du tymbre un demy Genetaire, c'est à savoir dois le poitral en haut d'argent avec ses deux pieds sur le bourrelet , comme le tout est cy dessous pourtrait. Et pour considerations des bons & loyaulx services par ledit sieur Messire Vigoreux de Corteville faits à sadite Majestè [sic], & par consequent à la maison de Bourgogne en plusieurs voyages & emprinses qu'il s'est trouvè [sic], mêmement par deux fois en Austriche contre les Turcs. Item en Italie, & aussi sous le Comte de Rœulx, & de ses ordonnances de par de-ça aux guerres y menées contre les ennemis de sa Maiesté, toûiours ayant vertueusement employé sa personne, & soy portant vaillamment, comme il appartient à ung bon Vassal & vray Gentilhomme, & en outre par ses loüables qualitez & vertus, sa Majesté Imperiale l'a fait armé Chevalier, pour doresnavant joüir & user des prèeminences, libertez, franchises, & droits de Chevalerie, comme audit estat appartient, duquel estat, dignité & titre de Chevalier, dont il a plû à sadite Majesté decorer ledit Messire Vigoreux de Corteville pour les causes avant dites, il nous a requis luy en donner nos lettres d'attestation en tel cas requises & accoûtumées ; ce que luy avons octroyé afin que nully n'en pretende ignorance : Donnè [sic] en ladite Citè [sic] d'Vtrecht le cinquiéme iour du mois de Ianvier l'an 1546. stil de Rome.

Austriche Heraut Flandres Heraut Franche Comté Hainaut [Leber's edition p.67 says héraut; if it is Hainaut then there should be two pursuivants: Franche Comté and Hainaut, then it should be Poursuivants (plural)...?] Poursuivant. [If he was or they were pursuivant(s), it seems to be the last instance in the low countries any pursuivant with his title occurred.]
     Il y a quelques reflexions à faire sur cette attestation.
     La premiere, que ce fut la veille des Rois que ce Corteville fut fait Chevalier de l'Accollade, en une ceremonie de la Toison d'or, où Charles-Quint fit vingt-deux nouveaux Chevaliers de cet ordre, institué par Philppe le Bon Duc de Bourgogne, entre lesquels estoient Maximilien Roy de Boheme, & Archiduc d'Austriche, qui fut depuis Empereur, Cosme de Medicis Duc de Florence, Albert Duc de Baviere, Emanuel Philibert Duc de Savoye.
     La seconde reflexion est que cette Chevalerie est donnée comme une recõpense de services en guerre, voyages, & emprinses, &c.
     La troisiéme, qu'il est dit, fait, & armé Chevalier, parce que c'est par les armes que se donne la Chevalerie.
     La quatriéme, que les avantages attachez à la Chevalerie sont préeminences, franchises, libertez & droits, dont je parleray cy aprés.
     La cinquiéme, qu'on donne aux Chevaliers le nom de Messire, qui est le même que celuy de Monseigneur, car anciennement en nostre langue pour dire Seigneur on disoit Sire, & més pour mon.

Lettres de Chevalerie.      Moy soubsigné seul pour lors, & pour le tout Roy d'armes de l'Empereur nostre souverain Seigneur Charles V. de ce nom, par la divine clemence toûjours auguste Roy des Espagnes, &c. certifie & fais foy à tous presens & à venir, que le xxiv. iour d'Avril 1547. estant sadite Maiesté emprés du bois Dulfoures dit Lochrehaide, outre le fleuve & riviere dite Albis, avec une grande partie de ses gens-d'armes à cheval, auquel lieu en bataille fut défait à plat toute l'armée de pied & de cheval du Duc Iean Frederic de Saxe leur Chef, lequel y fut lors même pris prisonnier, & navré estant pour ce temps-là rebelle à sadite Maiesté, Messire Pierre de Brandembourg, Seigneur de Chasteau-Thierry sur Meuse, &c. natif de la Comté de Namur, lequel porte pour ses armes l'écu de gueules, & sur iceluy un autre écu d'argent, & le heaumé ouvert, tortillé & couronné d'or, & sur sondit heaume porte une paire de mouffles, avec des honchures d'argent & de gueules. Ledit Messire Pierre a esté fait creé & armé Chevalier de sa Maiesté Imperiale, ensemble plusieurs autres, en presence des Rois des Romains, & de Boheme, & de l'Archiduc d'Austriche, & du Prince de Piedmont à present Duc de Savoye, & autres plusieurs Princes & Seigneurs illec assistans, pour doresnavant ioüir & user des préeminences, libertez, franchises & droits de Chevalerie, selon que audit estat appartient, duquel estat dignité, & titre de Chevalerie, dont meritoirement il a pleu à sadite Maiesté lè decorer pour ses vertus, loüables qualitez, actions chevalevreux, & bons services par luy faits tant en cette guerre d'Allemagne, que en Affrique, & autres plusieurs lieux ; & afin que nul n'en pretende ignorance, il m'a requis d'en avoir acte d'attestation, à moy Roy d'armes ayant seul ce pouvoir de tout temps accoutumé, pour estre les susdits Chevaliers créez sur le camp de la susdite dèfaite, & pourtant luy ay accordé en cette forme, après avoir fait le serment de Chevalerie en presence de Messire Charles Baron de Amerstorf Chevalier, & de Messire Pierre de Beflamps Baron Gaurelle Seigneur d'Antreville, tous Gentilshommes domestiques de sadite Maiesté Imperiale, lesquels furent tous par ensemble assistans en propres : fait à Bruxelles le douziéme iour de Mars mil cinq cens cinquante-cinq.
     Moures dit Hainaut.
scellé du sceau dudit Hainaut en cire rouge sur queüe de liasse violette.
     Cette coûtume de se faire armer Chevalier est ancienne, elle estoit est [should be en...?] usage, parmy les Romains.
. . .

back