[Note: the following is based on Lepage, Henri, Quelques notes sur des peintres lorrains des 15e, 16e et 17e siècles, Nancy: A. Lepage, 1853, p.32. (Internet Archive) I corrected typographical errors due to the OCR system misrecognition, but there may still exist such errors. Please consult printed version for academic purpose.   S. U.]

Charles, etc. Comme pour le service et decoration de nostre
estat, il soit expedient et bienseant nous pourvoir de poursui-
vantz d'armes capables, ydoines et suffisans, pour tant en l'ab-
sence comme en la presence du Roy d'armes et des heraulx
entendre et vacquer aux affaires qui nous surviendront deppen-
dans et concernans ceste charge, y faire les functions et debvoirs
qui y appartiennent, Sçavoir faisons que pour le bon rapport et
relation que faict nous a esté des sens, preudhomie, loyaulté,
fidelité, experience et bonne diligence estans en la personne de
nostre cher et bien amé Balthazar Crocq, natif et demeurant en
ceste nostre ville de Nancy, mesmes qu'il a hanté et frequenté
par plusieurs années les païs estranges et nommesment les
Italles, conversé, pendant le séjour qu'il y auroit faict, avec les
meilleurs espritz de son art, tant pour avoir la congnoissance de
la peincture, escripture, que cronicques et genealogies de noz
predecesseurs, pour nous en faire service, tellement que par ce
moien il s'est peu rendre tant mieulx capable à la congnoissance
de ce qui consiste tant le blason des armoiries, cronicques, ce-
remonies et legations qui peuvent deppendre du debvoir des
rois d'armes, heraulx et poursuivantz d'armes. Pour ces causes
et autres justes et raisonnables à ce nous mouvantes, avons iceluy
Balthazart [sic, S. U.] Crocq retenu et retenons par cestes en l'estat et office
de poursuyvant [sic, S. U.] d'armes des nostres au tiitre [sic, S. U.] de Clermont....
Données en nostre ville de Nancy le 16e jour d'aoust 1585.

back