Charles Emanuel &.... Par le deces de M^e Alexandre
la Biche ayant uaqué la charge dheraut d'armes en Sa-
uoye quil possedoit et la voulant confier à vne personne
intelligente et capable de lexercer, estant plainement
informés que toutes les qualités à ce requises se ran-
contrent en celle de nostre bien ame et feal M^e Jean
Charles la Biche son nepueu habitant et bourgeois de
Chamberi, oultre le merite des seruices quil nous a
rendu en qualité de nostre peintre aussy bien que M^e
Humbert son pere en qualité de secretaire aupres des
personnes des sereniss^mes ducs Emanuel Philibert et
Charles Emanuel mon bizayeul et ayeul de glorieuse
memoire, et en diuerses autres occasions ou il a esté
employé pour nostre seruice, Nous avons iceluy Jean
Charles la Biche esleu constitué estably et deputé ainsi
que par ces presentes de nostre certaine science &.....
heu sur ce l'aduis &..... l'elisons constituons establis-
sons et deputons en lestat et office de nostre heraut
d'armes de nostre dit pays et duché de Sauoye pour
exercer dores en anant le dit office et jouir des hon-
neurs priuileges &..... et autres choses qui en depen-
dent et dont jouissoit le dict Alexandre la Biche son
oncle et pouuoient jouir ses autres predecesseurs, a la
condition pourtant quil ne pretendra aucun gage et
quil prestera le serment en tel cas requis et accoustu-
mé. Mandons a ces fins et expressement ordonnons a
tous nos magistrats &..... d'obseruer et inuiolablement
faire obseruer les presentes selon leur forme et teneur
et destimer tenir et reputer le susdit Jean Charles la
Biche pour nostre heraut d'armes &...... le faisant et
layssant jouir &...... Car tel est nostre plaisir. Données
a Turin le 10^e decembre 1666.
      Signé Emanuel. — V^a Busquet. — V^a Graneri. —
R^a Carron. — Sellé et contresigné Vibo.

back