[Note: the followings are taken from the text version of Palacky, Franz, "Über Formelbücher, zunächst in Bezug auf bömische Geschichte. Nebst Beilagen", 2. Liferung, in Abhandlungen der Königlichen Böhmischen Gesellschaft der Wissenschaften, Prag, 5. Folge, 5. Band, 1848, pp.3ff., p.114. (Internet Archive.) I corrected typographical errors due to the OCR system misrecognition, but there may still exist such errors. Please consult printed version for academic purpose. See also Bock 2015, p.407. S.U.]
126.
Wenceslaus rex: (Treb. C, 3. 15b.)
Facit regem omnium heraldorum.
Wenceslaus ↄc. dilecto nobis ↄc. Fi. di. Cum jam multo temporis tractu ad nostra
et celebris memoriae quondam Karoli, Romanorum imperatoris et Boemiae regis, genitoris
nostri carissimi, obsequia gratum te reddere studueris, et quotidiano virtutis affctu te
promptm exhibeas, pro hoc videlicet, ut te in omnibus terrarum finibus, ubi gentes
armorum pro militarium actuum exercitio convenire volent frequenter te constituas, inquirens
solerter, prout hoc tui officii requirit conditio, qualiter a quolibet inibi opera
militaria peragantur: ideireo diuturnitate laboris et inmota fidei tuae conditione pensatis,
te veluti bene meritum, quem conversatio morum et vitae laudabilitas plurimum recommendant,
regem omnium heraldorum seu servorum armorum in toto regno nostro
Boemiae et ejus singulis principatibus, terris, dominiis et districtibus de Romanae regiae
potestatis plenitudine statuimus, facimus, creamus et praesentibus elevamus, decernentes,
quod universi et singuli heraldi seu armorum famuli praedicti nostri regni te tamquam
ipsorum regem honorare debeant, et in locis singulis, quoties et dum eis conventus fuerit,
cum solemnitate debite revereri, tibique in his, quae ad tui regiminis de consuetudine vel
de jure spectant officium fideliter obedire, quodque vestes, robbas, equos et alia quaevis
donaria, quibus specialibus nominibus exprimi valeant, quae tibi de regum, ducum, principum,
comitum, baronum, militum, clientum aut quorumcumque imperii sacri fidelium, cujuscumque
gradus seu nobilitatis existant, liberalitate fuerint erogata, libere vendere possis
ubique locorum absque telonei seu alterius datii solutione, quae tibi de speciali nostrae
celsitudinis favore praesentibus ad vitae tuae tempora relaxamus. Requirimus igitur universos
nostros et imperii sacri fideles, praecipue regni nostri Boemiae fideles dilectos,
quatenus te tamquam heroldum familiarem nostrum et aliorum heraldorum regni nostri
Boemiae regem, dum ad ipsos et eorum loca declinaveris, contemplatione regia pertraetent
favorabiliter et amice, tibique de securo conductu per ipsorum terras et districtus provideant
ad regiae majestatis ↄc. praesentium ↄc.
back