Account of the funeral ceremony of King Francis I by François Vallet, Guyenne herald, 1547 (excerpt).

[p.57.]

     INTROITE OU EXORDE. — ...
. . .
... de l'ordonnance duquel seigneur grand escuyer auroit esté le tout mis et redigé par escript par moy Guyenne, heraulx d'armes de France, en la maniere qui s'ensuit.
. . .

[p.59.]

     ENTERREMENT DU CUEUR AUDIT LIEU DE HAULTE BRIERE. — Et le mercredy, VI^me jour dudit moys d'avril, ... auroient esté inhumez les cueur et entailles dudit feu s^r, ...
. . .

[pp.60-1.]

     Et, apres eulx, les heraulx d'armes dudit feu seigneur, revestuz de leurs cottes d'armes.
. . .
     ENTERREMENT DUDIT CUEUR. — ... Et estans arrivez en ladite eglise, ... auroit esté par lesdits quatre gentilzhommes presenté ledit coffret ou estoient lesdites entrailles dudit feu seigneur ausdits roys d'armes et heraulx, qui l'auroient receu avecques grans reverances, et apres l'avoir baisé l'auroient mis et posé dans ladite voulte. Et semblablement, ledit s^r admiral, apres avoir aussi baisé le coffret ou estoit ledit cueur et faict la reverance hublement, l'auroit presenté ausdits roys d'armes et heraulx, qui l'ayant receu en telle reverance que ledit coffret des entrailles, l'auroient mis et posé en ladite voulte sur le coffret desdites entrailles, ayant chacun roy d'armes ung taffetas noyr es mains pour recepvoir ledit coffret. ...
. . .

[p.64.]

     HERAULX EN SERVICE. — Au bas et pres dudit lict de parement estoit une escabelle, aussi couverte de drap d'or, sur laquelle estoit la croix et plus bas ung autre scabeau, aussi couvert de drap d'or, sur lequel estoit le benestier.
     Aux deux coings dudit benestier estoient deux scabelles semblablement couvertes de drap d'or raiz, sur lesquelz estoient assis deux heraulx d'armes, pour l'honneur et en parade, leurs cottes ordinairement vestues, pour present l'esperge aux princes et grans seigneurs qui venoient donner de l'eaue beniste audit seigneur, ausquelz princes et aux cardinals, en leur baillant, il estoit baysé seulement.
     Aux deux coings dudit lieu estoient deux grans trochoulers ou chandeliers d'argent fort hault pour les deulx torches ou cierges de cire blanche ardentz.
     Au fons de ladite salle, droict a ladite effigie, estoit ung autel, par le hault paré d'ung riche parement d'or et soie, du trepasement Notre Dame, et par bas d'un riche saint Françoys, de semblable estoffe, ayant le champ semé de fleurs de lix d'or et selmandres toutes d'or.
     LADITE SALLE EN TENTE DE DUEIL ET CORPS SUR LES TRETEAULX ET SOUBZ POILLE. — Et demoura ladite effigie depuis ledit quatrziesme avril jusques au mardy au soir III^e may, ...
. . .

[pp.65-6.]

     HERAULX EN SERVICE. — Aux piedz et bas estoit une scelle couverte de drap noir sur laquelle estoit le benestier, et, aux deux costez, escabelles basses, couvertes de drap noir ou ordinairement auroient esté assiz semblablement deux roys d'armes pour l'honneur et assistance comme dict est, leurs cottes d'armes vestues, ayans leurs chapperons en teste aux grans messes ; et, quand les princes et cardinaulx arrivoient en ladite salle pour leur bailler le benestyer [-yer: sic]. Pour lesquelz princes et cardinaulx estoit aussi dressé du costé desdits roys d'armes ung banc couvert de drap noir pour eulx asseoyr entre lesdites messes et service.
     Et autour dudit corps estoit ung parquet de boys quaré painct de noir et percé dedans, sur lequel estoit quatorze cierges de cire blanche incessamant ardans, dont dix estoient de six livres et quatre aux coings chacun de quatre livres. Le tour d'icelle salle en dueil estoit tendue d'une riche tapisserye de satin noyr, profillé d'or a grosses cordellieres entrelassées de veloux noir et le hault du plancher de la mesme tapisserye de veloux bleu semé de fleurs de lix.
     LADITE SALLE EN DUEIL. — ...
. . .
     Et pour faire avec toute honnesteté la magnificence, seroit icelluy seigneur party de son logis ou il estoit descendu : assavoir les gentilzhommes devant, les heraulx d'armes apres, ...

[p.67.]

     En laquelle salle icelluy seigneur, comme dict, arrivé, ... auroit donnée ladite eaue beniste, dont, pour ce faire, auroit donné l'espargest M^r le cardinal de Turnon comme luy auroient baillé lesdits heraulx et, ce fait, ...
     Lesquelles vespres par ledit seigneur oyes s'en seroit aussi retourné en sondit logis, ... auroit liberallement sondit manteau donné ausdits heraulx, suivant les bonnes coustumes.
     TRANSPORT DU CORPS DE SAINT CLOUD A NOTRE DAME DES CHAMPS ET SERVICE DICT AVANT LE PARTEMENT. — Et le samedi XXI^e dudit moys ayant esté advisé de mener le corps dudit feu seigneur a Notre Dame des Champs, ...

[p.68.]

     MARCHE POUR LEDIT TRANSPORT. — ...
. . .
     Les roys d'armes et heraulx vestuz sur leur dueil de cottes d'armes et chapperons sur l'espaule, autour dudit feu seigneur grand escuyer et dudit cheval de parade d'ung costé et d'aultre.
. . .

[p.69.]

     ARRIVÉE A NOTRE DAME DES CHAMPS. — ...
. . .

[p.70.]

     Aussi aux piedz d'iceulx estoit semblablement le benestier et deux desdits officiers d'armes [the only instance in this account which the herald used the term officier d'armes] ausditz costez vestuz assistans comme dict est. ...
     TRANSPORT DUDIT CORPS DE NOTRE DAME DES CHAMPS A NOTRE DAME DE PARIS. — Auquel jour du landemain qui estoit le dimanche XXII^e jour dudit moys de may, ...
. . .

[p.74.]

     MARCHE. — ...
. . .

[pp.75-6.]

     Item, autour dudit cheval de parement d'un costé et autre d'icelluy ung nombre de heraulx d'armes vestuz de leurs cottes d'armes et chapperon en teste.
     Plus encores quatre [later it is mentioned there were ten] desdits heraulx marchans apres les dessusdits corps estans aussi d'ung costé et d'autre dudit seigneur grand escuyer, ayans semblablement leursdites cottes d'armes vestues et chapperon en teste.
. . .
     Plus devant ladite court d'ung costé et d'autre de ladite rue venans jusques aux heraulx d'armes de devant sans entrer en la rue et marche tous les huissiers ...
. . .

[p.78.]

     NOTRE DAME DE PARIS ACCOUSTRÉE ET PARÉE EN DUEIL . — ...
. . .

[p.79.]

     ASSIETE EN LADITE EGLISE. — ...
     Plus lesdits heraulx sur leurs petitz sieiges devant et a costé desdites effigies et chappelle ardente susdite, et entre eulx le benestier et devant eulx sur la selle ou plateforme ou devoient estre lesdits escuyers, portans lesdites pieces et phanon, les trois huissiers ...

[pp.80-1.]

     SERVICE EN LADICTE ESGLISE. — ... Et en ceste ordre et assistance auroient esté oyes vigilles dictes par mondit s^r le cardinal du Bellay et son clergé, a la fin d'icelles donné de l'eaue beniste dont, pour ce faire, l'ung desdits heraulx donné et baillé l'espargest aux dessusdits princes, cardinaulx, court de Parlement et grans seigneurs, ainsi qu'il est requis, qui est tout ce qui auroit esté faict pour ledit jour.
     Et le landemain que tout auroit esté prest en ladite eglise, les princes du grand dueil amenez et conduictz par iceulx heraulx de leur logis en icelle eglise et mis en leurs sieges, ... et daventaige, oultre iceulx, ledit escuyer Calvoisin sur ladite plateforme couverte de drap noir et au pied de ladite effigie, entre deulx desdits heraulx assis a costé et plus bas que luy, ...
     SERVICE EN LADITE ESGLISE. — ... [A] l'offrande de laquelle messe auroient esté tous lesdits princes menez et conduictz l'un apres l'autre par chacun desdits heraulx, portans devant eulx ung grand cierge de cire blanche, ayant au premier cinq escutz fichez et a chacun des autres deux escutz, lesquelz, apres estre baisez par lesdits heraulx, auroient esté baillez ausdits princes pour offrir en baisant la paix et puis remenez en leursdits sieiges par lesdits heraulx.
. . .
     Apres lesquelz offrande, service et messe et lesdits princes convoyez en leurs logis par lesdits heraulx, estant l'heure de unze heures ensuivant, ...
     PARTEMENT DE NOTRE DAME DE PARIS POUR ALLER A SAINT DENIS. — Et sur l'heure de deux heures apres mydy dudit jour...
     ARRIVÉE AUDIT SAINT DENYS. — ...
. . .

[pp.82-5.]

     DEFFAICTE DE LADITE EFFIGIE ET PIECES D'ICELLES BAILLÉES AUX HERAULX. — Premierement auroit esté osté de ladite effigye dudit feu s^r et baillée aux heraulx d'armes la couronne, le septre et la main de justice, ayans taffetas en leurs mains et icelle baillée, assçavoir a monseigneur le chevalier de Lorraine la couronne, a René monseigneur de Lorraine, son frere, le septre, et au seigneur Orace Farnèze la main de justice, ausquelz ilz les auroient laissez et lesdits taffetas pour les tenir en les baisans. ...
. . .
     APPEAUX DES PERSONNES POUR FAIRE LEURS OFFICES DE PORTER LES PIECES. — Et ayans esté lesdits corps ainsi devalez et mis en ladite fosse, ledit feu s^r au melieu [me-: sic] desdits s^rs [ses] enfans, l'un a destre et l'autre a senestre, auroient esté par Normandye roy d'armes, appellé lesdits s^rs et personnes cy apres nommez pour faire leurs offices, estant devalé Guienne [Gui-: sic], aussy roy d'armes dens ladite voulte pour recepvoir les pieces, choses qu'il y convenoit mettre.
     Et premierement auroit esté appellé par ledit Normandy a haulte voye : « Roys d'armes et heraulx, venez faire vos offices. » Et incontinent lesdicts roys d'armes et heraulx estans en nombre de dix [this much number included Montjoye? If so, how much obscure his presence was!] seroient venuz, et auroient devestu leurs cottes d'armes et icelles mises dessus ung tour ou parquet de boys noir qui estoit au dessus de ladite voulte, ou y avoit ung grand poisle ou drap mortuaire de veloux noir ayant une grand croix de satin blanc avec quatre escussons de France faictz a broderye, la couronne royalle et imperialle dessus et autour l'ordre dudit feu seigneur.
APPEAUX. — Apres auroit appellé ledit roy d'armes aussy a haulte voyx ceulx qui s'ensuivent :
     « Monseigneur de Sedem [i.e., Sedan], apportez vostre enseigne. » Ce qu'il auroit faict, luy disant ledit herault quant il avoit apportée : « Mettez le bas. » Ce qu'il auroit faict pres et joignant et sur les degrez de la voulte.
     « Monseigneur de Chavigny, apportez votre enseigne. » Ce qu'il auroit faict et mis bas comme dessus.
     « Monseigneur le seneschal d'Agenest, apportez votre enseigne. » Ce que auroit semblablement faict et mis bas.
     « Mons^r de Nancay, apportez votre enseigne. » Ce que auroit aussi faict M^r de Leage, pour luy son lieutenant, et icelle mise bas.
     Eux troys estoient cappitaines de chacun cent archiers de la garde dudit feu s^r et ledit s^r de Sedem de cent Suysses.
     « Mons^r de Lorges, apportez votre enseigne. » Ce qu'il auroit faict comme cappitaine de la garde escossoyse et icelle mise bas.
     « Mons^r de Canaples, apportez vostre enseigne, [sic, comma here] » ce qu'il auroit faict et mis bas.
     « Mons^r de Boysi, apportez vostre enseigne. » Ce que ledit s^r dessusdit, lieutenant, auroit faict et mise bas.
     Ledit [sic, singular] s^r Boisi [-oi-: sic] et Canaples estoient cappitaines de chacun cent gentilshommes de la maison dudit feu s^r.
     « Escuier Piegouffiet, La Bosse, apportez les esperons royaux. » Ce qu'ilz firent et les presenterent a Dauphiné, qui les bailla audit Guyenne, estans au dedans de ladite voulte, apres l'avoir receu dudit Normandye.
     « Escuyer Nouailles, apportez les ganteletz royaux. » Ce que semblablement il auroit faict et iceulx presentez audit Dauphiné qui, lez auroit baillez audit Guyenne.
     « Escuyer Poton, apportez le heaulme royal. » Ce qu'il auroit faict et icelluy presenté audit Dauphiné, qui, l'ayant rendu audit Normandye, l'auroit semblablement baillé audit Guyenne pour mettre en ladite voulte.
     « Escuyer Chevalier, apportez l'escu royal. » Ce qu'il auroit semblablement faict et baillé audidt Daulphiné [Daul-: sic] pour bailler audit Guyenne.
     « Mons^r le premier escuyer, apportez la cotte d'armes. » Ce qu'il auroit aussi faict et baillé, comme dict est.
     « Mons^r le premier escuyer tranchant, apportez le phanon. » Ce que auroit faict ledit s^r de Viliers, grand commendeur de France, et l'auroit aussy mise bas.
     « Monsieur le grand escuyer, venez faire votre debvoir. » Ce qu'il auroit faict et apporté ladite espée royalle qu'il osta de son costé et la mit dedans ladite voulte ou fosse, fors ung bout de la sainture qu'il tenoit tousjours en sa main.
     « Mons^r le grand maitre, venez faire votre office. » Sur lequel appel vindrent tous les maitres d'hostelz dudit feu s^r geter leurs bastons dens la fosse. Apres eulx le seigneur de Maneusses ¹ , premier maitre d'hostel.
     Et apres tous les dessusdits, ledit seigneur d'Annebault, admirai de France, tenant lieu de grand maitre pour cest effect, qui y auroit aussi geté le baston. Et ainsi que chacun apportoit lesdites enseignes, pieces et bastons, les baisoit et faisoit grandes reverances.
     « Le seigneur Orace Farnèze, apportez la main de justice. » Ce qu'il auroit faict et apres grande reverence et l'auroit baisée et presentaée audit Normendye [-men-: sic] et le dit Normendye audit Dauphiné, qui semblablement l'auroit baisée et icelle baillée audit Guyenne, avecque taffetas, qui l'auroit mise en ladite voulte.
     « René monseigneur de Lorraine, apportez le septre royal. » Ce qu'il auroit faict et presenté comme dessus audit Normendye, puis audit Dauphiné, qui l'auroit baillé audit Guienne.
     « Mons^r le chevalier de Lorraine, apportez la couronne royalle. » Ce qu'il auroit faict comme dessus. Et auroient

1. Diego de Mendoça.

toutes lesdites choses en les baillant et presentant audit Normendye et Dauphiné aussi baisées avec grand reverance, qui en les baisant les auroient baillées audit Guienne, lequel les auroit mises et arrengées sur le sercueil dudit feu s^r et mesmement lesdites couronne et septre et main de justice.
     « Monseigneur d'Annebault, chef ayant la charge et conduicte de ce convoy, apportez la baniere de France. » Ce qu'il auroit faict, la mectant bas. Au moins a cause de son indisposition luy auroit esté pour ladite cause apportée jusques aupres de ladite voulte, ou il estoit en une chaise, duquel il auroit prinse et mise bas. Et apres avoir esté cryé par ledict Normendye par troys fois : « Le roy est mort. » Auquel cry se seroient levez grands lamentations de tous cotez.
     Et incontinent auroit esté dict audit admiral qu'il relevast ladite banniere et qu'il cryast : « Vive le Roy », ainsi qu'il est requis que faict ung grand maitre. Pour estre ledit s^r admirai trop contristé, et ne l'auroit a ceste cause peu faire, auroit soudain par ledit herault esté cryé tout hault : « Vive le roy Henry, second de ce nom par la grace de Dieu roy de France, a qui Dieu doint bonne vye et longue. »
     Et alors mondit s^r de Boisi, grand escuyer, auroit reprins ladite espée royalle, les cappitaines leurs enseignes et roys d'armes et heraulx leurs cottes d'armes.
     Et soubdain trompettes et tabourins auroient commencé a sonner et s'en seroit toute ladite compaignye allée disner aux salles preparées tant pour les cardinaulx, princes et ambassadeurs, court de Parlement, Chambre des comptes, prevostz de marchantz, Université et generallement pour tous les officiers dudit feu seigneur et pour ce faire y avoit cent platz fourniz.
     Et auroient esté reconvoyez les princes par iceulx roys d'armes et heraulx, qui recepvoient d'eulx liberallement leurs manteaulx, fors que celluy [du] seigneur de Longueville.
. . .

---

Another account copied by Félibien

[There is this another account: Félibien 1725, Convoy funebre duroy François I., t.4, pp.734ff. Here I transcribed some of the last part, i.e., pp.739 left col. - 741 left col.]

---

Yet another account copied by Omont

back