Letters patent of Charles I Louis, Elector Palatine, creating Heinrich von dem Berg (Henri van den Berch) King of Arms of the the Provinces of Rhein, Swabia and district of Franconia (1658). (In Latin.)

About the text

The following text is taken from the text version of Flori Europæi, V., pp.670-3. I have also consulted another Google Books copy for checking. I corrected typographical errors due to the OCR system misrecognition, but there may still exist such errors. Please consult printed version for academic purpose.
Heinrich von dem Berg concurrently held the office of herald of the principality of Liège.

The text

Nos Carolus Ludovicus Dei gratia Comes Palatinus Rheni. S. Rom. Imp. Archi-Thesaurarius & Elector, inque partibus Rheni, Sveviæ, & juris Franconici Provisor ac Vicarius Dux Bavariæ &c. Universis & singulis præsens publicum Privilegium visuris lecturis, vel legi audituris notum facimus. Sagaci hominum industria adinventum & longâ consuetudine receptum est, ut viri ac familiæ aliquibus insignibus, & ut vulgo dicitur, armis utantur propriis, quippe quæ veluti symbola sint illius prosapiæ honoratissimæ, ejusmodi vero insignia posteaquàm Cæsareâ potestate fulcita fuerint, inde magis laudabilia reddantur. Cum autem nonnulli inveniantur, qui Titulos ipsis non competentes affectant, ac insignia ipsis minimè digna, citra licentiam & autoritatem, liberè exercere undiq; conentur, & inde plures errores, abusus, & alia inconvenientia nasci possunt, quibus obviam venire non abs re erit. His de causis posteaquam Imperij fidelis & nobis singulariter dilectus Henricus von dem Berg [here von dem Berg is in German font. Same in later parts of this patent] S. Palatij & Aulæ Lateranensis Comes, Miles & Eques auratus, â nobis supplex petivit, ut pro potestate Nostrâ Vicariatus Imperialis, quâ nunc potimur Ipsi officium Regis armorum & omnia privilegia ac immunitates eidem ad hærentia conferre ac concedere dignaremur. Nos de ejusdem Henrici von dem Berg honestate, vitæ eximiæ & morum elegantia ac aliis dignis qualitatibus instructi, ejus petitioni quàm libenter annuere decrevimus. Quamobrem eadem antememorata Imperialis Vicariatus autoritate prædicto Henrico von dem Berg publico hoc diplomate antedictum officium Regis Armorum conferimus, inque partibus Rheni, Sueviæ, & Juris Franconici, ubique locorum, ubi nullus alius antehac Rex armorum creatus reperitur, ei potestatèm & autoritatem tradimus, omnia & singula, quæ alii Reges Armorum de jure, ac consuetudine exercere possunt, exercendi, ac in illos omnes, qui Titulos & insignia ipsis indigna usurpant, animadvertendi, omnibus item immunitatibus, prærogativis, honoribus & gratiis, quibus cœteri Reges Armorum aliàs gaudent, liberè utendi, fruendi, nemine cujuscumq; gradus aut conditionis obstante, contradicente, vel impediente. Acsiquis contra jam dictum privilegium atque concessionem hanc nostram quocunque modo vel fecerit, vel temerariè facere ausus fuerit, is noverit in se tanquam Imperialis Majestatis & Nostræ autoritatis Vicarialis contemptorem gravissimè animadversum iri, & insuper incidisse in pœnam decem Marcarum auri puri, quarum dimidia pars Imperij fisco, altera verò antedicto Henrico von dem Berg absq; ullâ remissione solvenda erit. Mandamus ergò Universis S. Rom. Imperij subditis, cujuscunq; gradus, ordinis, conditionis, dignitatis aut præeminentiæ existant tàm Ecclesiasticis, quam sæacularibus, præsertim verò iis, qui in Magistratu constituti vel proprio vel suorum superiorum nomine & loco, juris & Justitiæ administrationem exercent, ne ullo prætextu, vel colore quenquam privilegium hoc nostrum, qui Vicariatus Imperialis munere fungimur, temerè & impunè transgredi aut violare patiantur, & ut prædictum Henricum, von dem Berg in prosecutione sui Juris prompta cognitione & executione adjuvent. Harum testimonio litterarum manû nostrâ subscriptarum, & Sigilli Nostri Vicariatus impressione munitarum. Datum Heidelbergæ, vigesima quinta die Martij, Anno millesimo sexcentesimo, quinquagesimo octavo.
Carolus Ludov. (L.S.)

Predecessor(s)

1532

[Oberleitner, Karl, "Östereichs Finanzen und Kriegswesen unter Ferdinand I. vom Jahre 1522 bis 1565", in, Arch. f. K. öst. GQ, 22. Band, pp.1ff., pp.53ff., p.54.]

Stab des Pfalzgrafen Friedrich ⁴⁰):
. . .

⁴⁰) Österr. Gedenkbuch von 1532, pag. 172.

1 Reuter Quartiermaister . . . 25 fl.
1 Herold . . . 24 „

back