Letters patent of King Philipp IV of Spain, creating Pierre de Launay Herald and King of Arms of the Duchy of Brabant (1639). (In French.)

  Consultons presentement les Lettres Patentes de Roy & Herault d'Armes a titre de Brabant & regardons les points & ses actes essentiels dependans de cet Office : & cela a plus forte raison qu'il renferme en soy la haute Souveranité du Prince & la rare Grandenr [sic, Grandeur? S.U.] de la Puissance de cette Province.
PHILIPPE PAR LA GRACE DE DIEU ROY DE CASTILLE &c.
A tous ceux qui ces presentes verront Sçavoir faisons que pour le bon rapport que fait nous a esté de la personne de nostre Cher & bien-aimé Pierre De Launay ensemble de ses idoineté & suffisance, nous confians a plein de ses leauté, preudhommie & bonne diligence, Avons icelluy De Launay commis, ordonné & estably commettons ordonnons & establissons par ces presentes a l'Office d'Hérault & Roy d'Armes de nostre Pays & Duché de Brabant vacant par le trespas de Ierosme De Beckberghe, en luy donnant plein pouvoir, authorité & mandement especial de doresenavant tenir & exercer cet Office, & generalement y faire bien & deuement toutes & singulieres les choses que bon & leal Herault & Roy d'Armes susdit peut & doit faire, & qu'au mesme Office competent & appartiennent aux gages y appartenans, & tels & semblables qu'ont & jouissent nos autres Roys d'Armes residens en nostre Cour a commencer avoir cours dez le jour qu'il prestera le serment cy dessoubs mentionné & à en estre payé & contenté avec nos autres Roys d'Armes par les mains de nostre Cher & feal Maistre de la Chambre present ou autre a venir & des deniers de son entremise aux termes accoustumez nonobstant que ledit De Launay ne seroit resident en nostre ditte Cour, & au surplus aux droits honneurs prerogatives, privileges, preeminences, libertez, franchises, profits & émolumes y appartenans, & tels & semblables qu'autres nos Roys d'Armes de semblable retenue sont accoustumé de jouir. Sur quoy & de soy bien & deuement acquitter en l'exercice dudit Office ledit De Launay sera tenu de faire le serment pertinent es mains de nostre trescher & feal Meßire Pierre Roose Seigneur de Fromont ; Chevalier, de nostre Conseil d'Estat, Chef & President de nostre Conseil Privé que commettons a ce ; & luy mandons ensemble a tous autres nos Justiciers & Subjets a qui ce peut toucher ou regarder, que ce serment fait, [comma here instead of period. S.U.] Ils le mettent & instituent ledit De Launay de par nous en possession dudit Office de Herault & Roy d'Armes de nostre Pays & Duché de Brabont, & d'icelluy, ensemble des droits, honneurs, prerogatives, [period instead of comma in original. S.U.] privileges, & preeminences, libertez, franchises prouffits, & emoluments susdits le facent, souffrent, & laissent plainement & paisiblement jouir & user, cessants tous contredits & empeschemens au contraire. Mandons aussi a nostre Grand Maistre & autres Maistres de nostre Hostel que par ledit Maistre de nostre Chambre present ou autres a venir, ils facent payer, bailler, & delivrer audit De Launay lesdits gages aux termes & en la maniere susdit, au quel Maistre de nostre Chambre mandons d'ainsi le faire & luy rapportant Copië authentique de ces dittes presentes pour une & la premiere fois & pour tant des fois que mestier en sera quittance dudit De Launay sur ce servant tant seulement, nous voulons tout ce que payé baillé, & delivré luy aura esté a la cause susditte, estre passé & alloue en la depence des comptes, & rabattu des deniers de l'entremise dudit Maistre de nostre Chambre qu'il appartiendra & payé l'aura par ceux commis ou a commettre a l'audition de ses comtes, auxquels mandons semblablement d'ainsi le faire sans aucune difficulté Car ainsi nous plait - il nonobstant quelconques nos ordonnances Restrictions mandemens, ou deffences a ce contraires, & mesmes celles qui pourroient prohiber le payement des gages par ledit nostre maistre de Chambre & tels & semblables Officiers residens en ces Pays-bas, dont en tant que de besoing, avons relevé & dispensé, relevons & dispensons les dits nostre Grand Maistre & autres Maistres de nostre Hostel & tous autres presens & a venir a qui se peut aucunement toucher. En tesmoing de ce avons fait mettre nostre Seel a ces dittes presentes[.] Donné en nostre Ville de Bruxelles le XXI. jour du Mois de May l'An de grace M.DC.XXIX. [sic, should be 1639. See his entry in Biographie nationale linked below. See also the list of officers of arms in the Netherlands. See further also Gérard, Pierre Auguste Florent, Ermens, Josephus, Jonghe, Jean Baptiste Théodore De, Listes des titres de noblesse, chevalerie et autres marques d'honneur accordées par les Souverains des Pays-bas, depuis 1659 jusqu'à 1794, Bruxelles: A. Vandale, 1847, pp.V-VI. (Google Books.)] & de nos Regnes le XIX. Estoit paraphé RO. VT.

Author's comment

  Ces Lettres Patentes ne different en rien des Lettres Patentes des Rois d'Armes a titres des autres Pays & Provinces, si comme aux titres de Limbourg, de Luxembourg, de Gueldres, de Flandres, de Haynnau, de Namur, & de Malines quant a l'authorité, droit pouvoir, preeminences & prerogatives. Il ny a que la seule expreßion de la Province qui y fait le changement. Tous ont ils un pouvoir égal de faire des calenges tant en Brabant qu'es autres Provinces par droit de preference en vertu de l'Article XVI. du Placcart Heraldicq emané le XIV. de Decembre en l'An M.D.CXVI. & des Ordonnances tant de l'Archiduc LEOPOLDE que du Marquis de Caracena Lieutenants Gouverneurs & Capitaines Generaux des Pays-bas & de Bourgogne des I. & XIX. Iu[i?]llet M.DC.LIII. & M.DC.LX.
  Mais dans les fonctions publiques de leurs offices, Ils aßistent conformement l'ancienneté de leur serment, en quelle Province le cas arrive ou non : ainsi que verifie le Decret suivant du Conseil privé du Roy [:]