Letters patent of King Philip II of Spain, creating Virgilius Gheys Guelders Herald King of Arms (1574). (In French.)
About the text
The following is based on Butkens, Christophe, Supplement aux trophées tant sacrées que profanes du Duché de Brabant, tome 2, La Haye: Chretien van Lom, 1726, livre 5, Sig.380**ff. (Internet Archive.) I corrected typographical errors due to the OCR system misrecognition, but there may still exist such errors. Please consult printed version for academic purpose. S. U.
The text
PHILIPPE, &c. à tous ceux qui ces presentes verront salut. De la part de
nostre bien aimé Virgilius Gheys nous a esté rémontré comme il s'est dois sa jeunesse fidellement & bien conduit, & employé aux services d'aulcuns Seigneurs &
mesmes du feu Secretaire Allemand de feu l'EMPEREUR mon Seigneur & Pere
(que Dieu pardoint) Christophle Pyramus, & en aprés au service de Révérend nostre
très chier & feal Mestre Viglius de Swichem, Chancelier de nostre ordre de la Toison
d'or, Prévost de St. Bavon à Gand, President de nostre Conseil d'Etat, par l'espace
de 13. a 14. ans; ayant entre autres choles sous ledit Chancelier & feu le Secretaire
Cortewile esté entretenu à écrire & manier plusieurs affaires du dit ordre, & en
après aussy depuis quelques tem[p?]s en ça esté créé Herault ou Roy d'Armes par provision
par nostre très chier & très amé Cousin le Duc d'Alve, alors Gouverneur Lieutenant
& Capitaine General de nos Pays-bas, pour se transporter avec le Comte de
Meghem presenter & delivrer le Collier de l'ordre du dit Toison d'or à nostre très
chier & très amé Cousin le Duc Erich de Brunswyck, en laquelle charge, il espere
s'estre très bien & deuement acquitté, comme il a peu apparoir par son Verbal &
Rapport, que nous avons vu: de maniere que sous correction il sent idoine & qualifié
à l'excercice du dit Etat & Office. Et comme présentement ny a en Nos dist
Pays-bas Herault Roy d'Armes de nostre part, pour le cas advenir estre employé au
service requis & necessaire au dit Etat: Et desirant le dit Remonstrant soy employer
& continuer au dit Office, Nous a très humblement supplié que considerant sa qualité
& services susdits il nous plust luy octroyer & accorder ledit Estat ordinaire, &
ce au mesme traitement que ont eu & ont encores presentement [sic, inconsistent spelling. S. U.] nos Heraults ou
Roys d'Armes, & sur ce lui faire depecher nos lettres Patentes de Commission
pertinentes. SÇAVOIR FAISONS, que Nous ce que dessus consideré & pour
le bon rapport que Nous a esté fait de la personne du dit Virgilius Gheys & de sa
loyauté, prudhommie & bonne diligence, & le veuillant favorablement traiter, &
pourveoyr à Nostre service, Nous iceluy Virgilius avons retenu, commis, & ordonné,
retenons , commettons & ordonnons par ces presentes Herault Roy d'Armes de
Gueldres ordinaire, pour par icelui Virgilius Nous servir doresenavant au dit Office,
y faire tout ce que bon & loyal Herault & Roy d'Ames [sic, S. U.] susdit peut & doit faire, aux
gages à iceluy Etat appartenans par les escroix de Nostre Hostel, à commencer avoir
cours du jourd'huy date de cettes, & aux autres droits, honneurs, prerogatives,
priviléges , prééminences, libertez, franchises, profits & émoluments qui y competent,
& tels que autres Nos Heraults Roy d'Armes de semblable retenue ont accoustumé
jouïr & user. Par quoi & de soy & léaulment acquiter au dit Office de Roy d'Armes,
il ferat le serment pertinent ès mains de Nostre Chancelier de l'Ordre. Ordonnons
& mandons à Nostre dit Chancelier, que le dit serment fait par ledit Virgilius, il le
mette en possession du dit Etat, & d'iceluy il, & tous les aurres Nos Officiers, le
facent, souffrent, & laissent ensemble des dits gaiges, droits, honneurs, prérogatives
[sic, inconsistent. S. U.], privileges [sic, inconsistent], prééminences, libertez, franchises, proufits & émolumens [sic, inconsistent] des susdits,
pleinement & paisiblement jouir & user, cessans tous contre dits & empechements.
Mandons au Grands Maistres & autres Maistre [sic, should be Maistres? S. U.] de nostre Hostel, Maistre de la
Chambre au Deniers, & Controleurs de la dépence ordinaire de nostre dit Hostel, que
ceste Nostre retenue ils enregistrent, facent enregistrer ès Livres & Papiers à ce
servans, & doresenavant content & facent conter ledit Gheys aux gages audit Etat de
Herault & Roy d'Armes de Gueldres appartenantes, & d'iceux facent payer par ledit
Maistre de Nostre Chambre des Deniers de son entremise aux termes & selon qu'il
est accoustumé; auquel Maistre de nostre dite Chambre present & advenir ordonnons
par ces dites presentes ainsy le faire, parmy rapportant lesquelles Vidimus ou
Copie authentique d'icelles pour une & la premiere fois, & pour tant de fois que
mestier sera nos dits Escroix tant séulement, Nous voulons tout ce que payé, baillé
& delivré aura esté au dit Gheys à cause de sesdits gaiges, estre passé & alloué ès
comptes de l'entremise de nostre dit Maistre de la Chambre aux Deniers, present ou
autre advenir qui payé l'aura par nos amés & feaux les President & Gens de nostre
Chambre de Comptes à Lille ou autres, ou à commettre de par nous à l'audition de
ces Comptes, auxquels mandons & ordonnons par ces mêmes [sic, inconsistent] presentes d'ainsi le faire sans nulle difficulté, CAR AINSI NOUS-PLAIT-IL, nonobstant quelconcques
Ordonnances, Restrictions, Mandemens ou Defences faites ou à faire à ce
contraires. En tesmoing de ce Nous avons fait mettre nostre grand Sëel à ces
presentes. Donné en nostre ville de Madrid Royaume de Castille le 27. de
Juillet l'an de grace 1574. de Nos Regnes à sçavoir des Espagnes, Sicile &c. le 19.
& de Naples le 20.
Etoit signé PHILIPPE.
Plus bas de la dite minute étoit.
JE Viglius de Swichem [Viglius - Wikipedia], Prevost de St. Bavon à Gand, President du Conseil d'Etat
du Roy & Chancelier de son ordre du Toison d'or &c. Certifie à tous que Sa
MAJESTE' à créé & retenu pour Herault & Roy d'Armes à titre de Gueldres Virgilius
Gheys, & que iceluy jouit des gages, proufits & franchises, qu'ont & dont jouissent
les autres Heraults & Rois d'Armes de sa MAJESTE', ce que comme Chancelier
de l'ordre susdit; j'atteste par cettes signées de ma main. Fait à Bruxelles ce 27.
de Decembre 1574.
Etoit signé VIGLIUS DE SWICHEM.
Related matrials
In IS Nord, B5, there are mentions to him: Virgilius Gheys ... comme Thoison d'or ou Roy d'armes d'icelle Sa
Majesté...
[p.253, left - right col. B. 2620. (Registre.) (year 1573)];
Virgilius
Gheys ... luy vacquez en l'an 1573 comme hérault ou Roy d'armes de Sa
Majesté...
[p.276, B. 2656. (Registre.) (year 1579)]. See also Virgilius Geys, dict Gueldres, héraut et roi d'armes [Finot, Jules, Inventaire sommaire des Archives départementales antérieures à 1790, Nord. Archives civiles - Série B. Chambre des comptes de Lille Nos 2788 à 3228, tome 6, Lille, 1888, p.59, left col., B. 2854. (Registre.) (year 1612)]. (Google Books.)
Couhault, Pierre, "Les hérauts d'armes et le savoir géographique (XVe-XVIe siècles)", in La Revue de géographie historique, No 17-18, 2020-1. In the table Corneille Gheys, Gueldre in 1573 is mentioned. Was this Corneille the immediate predecessor of Virgilius and possible a relative?
Reiffenberg, Frédé Auguste Ferdinand Thomas, Baron de, Histoire de l'ordre de la toison d'or, Bruxelles: Fonderie, 1830, p.503.
Pinedo y Salazar, Julian de, Historia de la insigne orden del toyson de oro, Madrid: Imprenta Real, 1787, Parte Segunda, Tomo II, p.92.
back